Daga Musa Tanimu Nasidi
Gwamnan jihar Kogi, Alhaji Ahmed Usman Ododo ya zabi tsohon dan majalisar dokokin jihar Kogi mai wakiltar mazabar Lakwaja I, Honarabul Suleiman Babadoko a matsayin kwamishina a hukumar kula da ayyukan kananan hukumomi ta jihar.
Hakan na kunshe ne a cikin wata wasika da ya aikewa kakakin majalisar dokokin jihar Rt. Hon. Aliyu Umar Yusuf mai dauke da sa hannun gwamna Ahmed Usman Ododo a ranar Talata a lokoj.
Shawarar, a cewar wasikar ta zo daidai da tanade-tanaden sashe na 4 (2) na hukumar ma’aikatan kananan hukumomin jihar Kogi.
Haka kuma an zabi Adabenege Adams a matsayin shugaba, Elisha Folorunsho (Kwamishinan Yamma), Amodu Yakubu da Attai Okolo Musa (Kwamishinonin Kogi ta Gabas), da Salami Abdulraheem (Kwamishina, ta Tsakiya).
Sa hannu:
Yabagi Mohammed,
Babban Sakataren Yada Labarai na Shugaban Majalisar,
Majalisar dokokin jihar Kogi.
