Daga Musa Tanimu Nasidi
Kungiyar Kwadago ta Najeriya (NLC) a ranar Talatar da ta gabata ne majalisar jihar Kogi ta bi sahun takwarorinsu na kasa baki daya domin nuna rashin amincewarsu da tabarbarewar tattalin arzikin da kasar ke fuskanta.
Da yake jawabi ga ma’aikata a sakatariyar NLC ta jihar kafin a fara zanga-zangar lumana, shugaban kungiyar, Comrade Gabriel Amari ya yi kira ga shugaban kasa Bola Tinubu da ya magance matsalar yunwa a Najeriya.
Ya ce zanga-zangar lumana ba wai don nuna adawa da gwamnatin jihar Kogi ba ne, illa adawa da tabarbarewar tattalin arziki da gwamnatin shugaba Ahmed Tinubu ta kawo.
Amari ya kuma yi kira ga shugaba Tinubu da ya magance matsalar yunwa da rashin tsaro a kasar nan.
Ya yaba wa Gwamna Ahmed Usman Ododo bisa samar da matakan da za su rage radadin da ma’aikatan Kogi ke fuskanta, musamman malaman da ya ce za su yi murmushi a karshen watan Fabrairu.
