Dakatance Shugaban EFCC Bawa Ya Shiga hannun DSS

Aliyu Musa

Shugaban EFCC Abdulrasheed Bawa
Shugaban Hukumar Yaki da yi wa Tattalin Arzikin Kasa Ta’annati (EFCC) da aka dakatar, Mista Abdulrasheed Bawa yanzu haka yana hannun hukumar tsaro ta farin kaya (DSS).

Hakan ya fito ne cikin wata sanarwa da kakakin hukumar DSS Dr. Peter Afunanya ya rabawa manema labarai.

Sanarwar mai taken “DSS ta gayyaci MR Abdulrashed Bawa, shugaban hukumar EFCC da aka dakatar” ta ce, “Hukumar tsaron farin kaya (DSS) ta gayyaci Mista Abdulrasheed Bawa, dakataccen shugaban hukumar yaki da masu yi wa tattalin arzikin kasa zagon kasa ta EFCC.

“Bawa ya iso sa’o’i kadan da suka wuce.  Gayyatar ta shafi wasu ayyukan bincike da suka shafi shi.”

Shugaba Bola Tinubu ne ya bayar da umarnin dakatar da Bawa a ranar Laraba.