Daga Musa Tanimu Nasidi
Shugaban rikon kwarya na karamar hukumar Birnin Lakwaja da kewayi, Komarad Abdullahi Adamu ya hana duk wani jerin gwano a Lakwaja da kewaye.
Hakan na kunshe ne cikin wata sanarwar manema labarai mai dauke da sa hannun mai baiwa shugaban Karamar Hukumar Lakwaja shawara kan harkokin tsaro, Honarabul Muhammed Bala Yusuf, wadda aka rabawa manema labarai a Lakwaja ranar Lahadi.
Sanarwar ta ce; “An jawo hankalin karamar hukumar Lakwaja kan wata zanga-zangar da wasu mutane ke shirin shiryawa a cikin rigar ‘yan Okada Riders gabanin bikin kaddamar da kungiyar masu babura ta Najeriya (MOUN) reshen jihar Kogi.
Yayin da ikon yanzu na Karamar Hukumar na mutunta haƙƙin daidaikun mutane na yin taro cikin lumana da bayyana korafe-korafe, sha’awa ko son zuciya, ba za a iya kaucewa matakai da hanyoyin da suka dace ba.
Zanga-zangar da ake yayatawa, idan gaskiya ne, haramun ne kuma an haramta ta a karamar hukumar Lakwaja da kewaye.
Don haka ana ba da shawara ga waɗanda ke da irin wannan jita-jita ta zanga-zangar da su daina, duk hanyoyin da aka tsara don muzaharar.
Ba tare da mintsin kalmomi ba, KOWANE mutum ko rukuni na mutanen da suka shiga cikin kowace haramtacciyar hanya da nufin haifar da cunkoson ababen hawa, rashin jin daɗi ga mazauna da kasuwanci da duk wani nau’i na kawo cikas ga al’ummarmu za su fuskanci cikakken nauyin doka.
Karamar hukumar tana kira ga duk wanda aka samu matsala da su binciko hanyoyin da suka dace don magance matsalolinsu, ba tare da daukar matakan da suka sabawa doka ba wadanda za su shafi zaman lafiya a majalisar.” Sanarwar ta kammala.
