Daga Aliyu Abdulwahid
An shirya gudanar da Fidau ta Marigayi Alhaji Gimba Sha’aban, kane ga babban Limamin Lakojai, Sheikh Muhammadu Aminu Sha’aban, a ranar Asabar 23 ga Janairu, 2024.
A wata sanarwa mai dauke da sa hannun babban dan marigayin, Hon. Bala Sha’aban a ranar Juma’a a Lakwaja ya ce taron addu’o’in wanda babban limamin Lakwaja zai jagoranta,za a fara ne da karfe 10 na safe a gidan imam Sha’aban dake unguwar Fawa, Lakwaja, jihar Kogi.
Babban jami’in rundunar sojin sama mai ritaya, Gimba Sha’aban ya rasu ne a ranar Laraba yana da shekaru 71 a duniya bayan ya sha fama da jinya.
Sha’aban ya rasu ya bar ‘ya’ya 9 da jikoki da dama. Allah ya gafarta masa da kura-kuransa, ya kuma baiwa iyalai karfin gwuiwa wajen daukar rashi wanda ba zai maye gurbinsa ba Amin.
