Daga Alfaki Nasidi
Shugaban jam’iyyar APC na mazabar Lokoja/Kogi tarayya, Alhaji Sulaiman Baba Ali ya aike da sakon ta’aziyya ga kwamishinan ma’adanai na jihar Kogi Injiniya Abubakar Bashir Gegu bisa rasuwar mahaifinsa Imam Abubakar umar.
A cikin sakon ta’aziyya ga Injiniya Bashir, al’ummar Gegu da gwamnati da al’ummar karamar hukumar Kogi ya na kunshe cikin wata sanarwa da ya sanya wa hannu a ranar Alhamis.
ya ce rasuwar Imam babban rashi ne ba ga mutanen Gegu kadai ba, har ma da masarautar Igu, ganin irin gudunmawar da ya bayar wajen karantar da addinin Musulunci.
Ya yi nuni da cewa marigayin ya yi rayuwa mai matukar tasiri ga al’umma, ya kuma bukaci ‘yan uwa da su jajanta wa iyalan marigayin da ya bari.
Ali ya jinjinawa marigayin saboda kasancewarsa uba mai kyau ga ‘ya’ya da sauran jama’a da dama, sannan ya bukaci ‘yan uwa da su jajanta musu bisa yadda ya rayu ya shaida irin dimbin nasarorin da daya daga cikin zuriyarsa ya samu ciki har da fitowar Injiniya Bashir Abubakar. Gegu a matsayin mai girma kwamishina
Sanarwar ta kara da cewa:
“Mun samu labarin rasuwar mahaifinka abin kauna cikin kaduwa, amma mun jajanta masa bisa yadda ya yi rayuwar sadaukarwa ga bil’adama ta hanyar koyarwar addinin Musulunci.
“Muna cikin bakin ciki da radadin ku a wannan lokaci, muna kuma addu’ar Allah ya baku kwarin guiwa da ‘yan uwa da ku da iyalanku baki daya, tare da yin addu’ar Allah ya jikan mahaifinku da ya rasu.
“A madadin iyalaina, jam’iyyar APC a mazabar Lokoja/Kogi ta tarayya, ina makoki tare da ku, dan uwana Gwamna, Injiniya Abubakar Bashir Gegu bisa rasuwar mahaifinka masoyin ka, Imam Abubakar umar.
“Addu’a ce ta Allah ya yi maka ta’aziyya tare da daukacin dangi yayin da kuke bakin ciki,” in ji shi.
