Aliyu Abdulwahid
Wani jigo a jam’iyyar APC Barista Nasseer Ahmed ya taya tsohon gwamnan jihar Kano, Abdullahi Ganduje murnar nadin da aka yi masa a matsayin shugaban jam’iyyar APC na kasa.
Sakon taya murnan na kunshe ne a cikin wata sanarwa mai dauke da sa hannun Ahmed da kansa kuma aka mika wa THEANALYSTNG a Lokoja ranar Juma’a.
Ahmed wanda ke rike da sarautar gargajiya ta DAN DARMA NA LOKOJA, ya bayyana kwarin gwiwarsa na cewa sabon shugaban jam’iyyar na kasa zai dora jam’iyyar kan turbar kwanciyar hankali da ci gaba.
Ya bayyana Ganduje a matsayin shugaba wanda nasarorin da aka samu a matsayinsa na gwamnan Kano har yanzu ba su misaltuwa.
“Ina da kwarin gwiwar cewa tsohon gwamnan ba shakka zai hada kan jam’iyyar tare da marawa gwamnatin shugaba Tinubu baya a shirye-shiryen Renew Hope.” Inji Ahmed.
A ranar Alhamis din da ta gabata ne aka nada tsohon gwamnan jihar Kano, Ganduje a matsayin kwamitin gudanarwa na jam’iyyar APC domin karbar ragamar shugabancin jam’iyyar.
